Республика күні мерекесі қарсаңында Жуалы ауданына қарасты Күреңбел ауылдық округінде таза ауызсу жүйесі пайдалануға беріліп, іске қосылды.
Жоба ауыл тұрғындарының тұрмыс сапасын жақсартып, елді мекендерді сапалы ауызсумен қамтуға бағытталған.
Салтанатты шараға Жуалы ауданы әкімі Жалғас Мұртаза, күреңбелдік ақсақал Жетпіс Көпбаев, алқа би төрағасы Еркебай Нағашбеков, аталған жобаның сәтті орындалуына атсалысқан ұжым атынан «ТаразСтрой – 2004» ЖШС директоры орынбасары Жәкен Ақтөре сөз алып, ауыл тұрғындарын құттықтады.
Лента қию рәсіміне аудан әкімі Жалғас Мұртаза, ауыл ақсақалдары қатысты.
