ҚР АШМ Ветеринариялық бақылау және қадағалау комитетінің Қордай аудандық аумақтық инспекциясы қызметкерлеріне Департаменттің мемлекеттік қызметтер көрсету басқармасының бас маманы Т.Тілеукеев мемлекеттік көрсетілетін қызметтердің сапасын арттыру бойынша түсіндірме жұмыстарын жүргізді.
Спикер Департаменттің атқаратын фунционалдық міндеттері мен жұмыс бағыттарын түсіндірді.
Атап айтқанда, Департамент тарапынан мемлекеттік аппаратты бюрократиядан арылту, мемлекеттік қызмет көрсетудің сапасын арттыру, цифрландыру, осы саланы реттейтін заңнамалық актілерге енгізілген өзгерістер мен жаңашылдықтар және жүргізіліп жатқан бақылау жұмыстары, сондай-ақ, мемлекеттік қызмет көрсету саласының оң имиджін көтеруге бағытталған өзге де іс-шаралар туралы баяндады.Сонымен қатар, Т.Тілукеев 2024 жылы Агенттік пен Цифрлық даму, инновациялар және аэроғарыш өнеркәсібі министрлігімен бірлесіп енгізілген «EgovKzBot2.0» бот-платформасы туралы ақпаратпен бөлісті. Бұл платформа Telegram мобильді қосымшасында нақты уақыт режимінде мемлекеттік қызмет көрсету сапасына шағымданудың жаңа тетігі болып табылатындығын, ол арқылы бюрократияны азайту және бизнес-процестерді оңтайландыру жөнінде ұсыныс жолдауға болатындығын атап өтті.Сондай-ақ, жиында жеке және заңды тұлғалардың өтініштерін негізсіз жиі қайта жолдау бойынша мемлекеттік органдар тарапынан жіберіліп отырған кемшіліктерге жол бермеу және олардың алдын алу жолдарын қарастыру мәселелері талқыланды.