Куәгерлер итті көлігімен сүйреп бара жатқан адамға тап беріп, жануарды құтқарып қалды
Оқиға Талғар тасжолында болған. Куәгерлер болған жайтты видеоға түсіріп, almaty_pomosh_zhivotnym Instagram-парақшасында жариялаған.
«Жүргізушіге шабуыл жасап, көлікті шетке қарай итеруге тура келді. Бірнеше көлік болды. Көлікте жүргізушіден бөлек кішкентай балалар болды. Үш жүк көлігі мен төрт жеңіл көліктің арқасында жүргізушіні тоқтатып, жіпті кесіп, итті босаттық. Қатты зардап шеккен, үсті-басы қан, бірақ аман қалған», — дейді куәгерлердің бірі.
