Ауыл адамдары үшін қорадағы үй жануары – ырыс пен байлық белгісі. Оларды күту, әсіресе, қыс уақытында азықсыз мүмкін емес. Жаз бойы шаруа қожалықтары және ауыл тұрғындары өз малдарына шөп шауып, азық қорын жинайды. Мал азығын дайындау кезде өрт қауіпсіздігі ережесінің талаптарына сәйкес маяланып сақталса жақсы, ал егер болмаса – қауіп-қатер басыңа келеді.
Осы мақсатта Шу ауданының ТЖБ-нің қызметкерлері шаруа қожалықтардың жұмысшылары мен тұрғын үй секторларында мал азығын дайындау және сақтау кезінде алдын алу шараларын өткізеді.
Мал азығын сақтау кезінде барынша көп кездесетін өртке қарсы бұзушылықтар: өртке қарсы аралықтарды сақтамау, мал азығы шөптерді қораның (сарай) шатыры үстінде сақтау, үйлер мен моншалардың пеш мұржаларында жалын сөндіргіштердің жоқ болуы, отпен абайсыз болу, балалардың отпен ойнауы, шөп тасымалдау және сақтау ережесінің бұзушылығы болып табылады.
Мал азығын дайындау кезеңінде өрт қауіпсіздігін қамтамасыз ету мақсатында өрт қауіпсіздігі ережелерінің талаптарын сақтау қажет, атап айтқанда:
— Шөп маялау кезінде өртке қарсы қашықтық тұрғын үйден және жақын шаруа құрылысынан кемінде 20 м қашықтық сақталу керек;
— Шөп үсті жанбайтын құрылыс-материалдарымен жабылу керек
— Шөптерді сарай төбесіне, көшіру жолдарына жинауға тыйым салу қажет.
— Шөпті көлікпен тасымалдау кезінде үйіндінің биіктігі 4,5 м аспауы керек;
— Электр тасымалдау желісінің шөп қоймасына дейін аралығы кемінде 15 м, жолға дейін 20 м болу қажет.
— Өрт болған жағдайға кемінде 50 куб.м су қору болу керек.
Б.Бегалиев,
Шу ауданы ТЖБ бас маманы
азаматтық қорғау капитаны
Like
Comment
Share
