Әр халықтың, әрбір елдің ерекше белгісі, дербес мемлекеттігінің дәлелі болады. Соның бірі –туы. Ту – елдің рухын, бірлігін және мақтаныш сезімін білдіретін маңызды белгі. Бұл рәміз еліміздің ішкі бірлігін, халықтың қуатын және бейбітшілікті сақтаудағы ұмтылысын көрсетеді. Туымыздың әр элементі терең мағынаға ие, ол біздің тарихымыз бен дәстүрлерімізді айқындайды.Сондықтан да менің туым-менің мақтанышым. Есімі республиканың мәдени өмірінде алтын әріппен жазылған қазақтың Мемлекеттік туының авторы — Шәкен Ниязбеков. Ол өз сөзінде: «Тудың түсі көк. Себебі, біз тәңірінің адамдарымыз. Көк аспанда күн болуы керек. Бүркіт – ең биікке көтерілетін әрі ұзақ жасайтын құс. Былайша алсақ, Қазақ елінің рәмізі». Қыран құс – ерлік пен азаттықтың символы. Ал қыранды алғаш рет тек біздің бабаларымыз ғана бағындырып, қолына қондыра білген. Сондықтан да қыран құстың Туымызда бейнеленуі – заңдылық!» деген болатын. Енді мен менің туымның әр символына тоқталып, толық сиапаттай түсейін.
Қазақстан Республикасының туы үш негізгі элементтен тұрады: көк аспан, алтын күн және қыран құс. Бұл элементтер біздің халықтың тарихи тамырларын, дәстүрлерін және ұлттық мақтанышын бейнелейді. Әрбір элемент еліміздің рухын терең түсінуге мүмкіндік береді.
Алдымен, көк түс. Көк аспан біздің еліміздің кеңдігі мен шексіздігін білдіреді. Ол — бақыт, тыныштық және болашаққа деген үміттің символы. Көк түс еліміздің табиғатының сұлулығын, ұлан-ғайыр даламызды көрсетеді. Көк аспанның астында біздің ата-бабаларымыз бейбіт өмір сүрген. Сондықтан, көк түс еліміздің рухын білдіреді, халқымыздың күшті және біртұтас екенін айқындайды.
Алтын күн – бұл өмірдің, жарқын болашақтың символы. Күннің сәулесі елдің гүлденуі мен жетістіктерін білдіреді. Бұл біздің халқымыздың еңбекқорлығын, табандылығын, қайсарлығын көрсетеді. Алтын күннің нұры біздің халықтың батылдығын және болашаққа деген сенімін күшейтеді. Оның жарқыны біздің болашаққа деген үмітімізді, елдің дамуын, азаматтардың әл-ауқатын қамтамасыз ететін еңбекқорлығын білдіреді.
Қыран құс – біздің еліміздің символы, еркіндік пен күштің, сондай-ақ бейбітшіліктің белгісі. Қыран биікте самғап, еркіндіктің мәнін білдіреді. Бұл құс біздің бабаларымыздың арманы мен мұратын бейнелейді. Ата-бабаларымыздың ерлігі мен батылдығы, олардың жерімізді қорғаудағы жанталасы осы қыран арқылы символдалады. Қыранның өткір көзі, мықты қанаттары және батыл жүрегі біздің халықтың әрқашан алға ұмтылатынын білдіреді. Ол біздің халықтың еркіндікке, тәуелсіздікке деген ұмтылысын көрсетеді.
Туымыздың тағы бір элементі – халқымыздың бірлігін, бейбітшілігін бейнелейтін ұлттық ою-өрнек. Ол халқымыздың мәдени мұрасының ажырамас бөлігі болып табылады. Ою-өрнектер – біздің тарихымыз бен дәстүрімізді сақтау жолындағы маңызды элементтер. Олар біздің мәдениетіміздің көркемдігін, шеберлігін және халқымыздың рухын көрсетеді.
Қорыта айтқанда, туымның мен үшін маңызы өте зор. Мектепте және түрлі мерекелерде туымызды көтергенде, мен әрқашан ерекше сезімге бөленемін. Туымызды көтеру — мен үшін елімнің алдындағы жауапкершілікті сезіну. Қазақстанның туы әр жерде, әр уақытта мені патриотизм мен ұлтымның тарихын құрметтеуге шақырады. Туымыздың желбіреуі мені әрқашан жігерлендіреді, әрі елімнің тәуелсіздігі мен болашағына деген сенімімді арттырады. Туымыз әрдайым жоғарыда желбіреп, елімізді әлемге танытып, халқымыздың мақтанышы болып қала бермек. Мен елімнің туын мақтан тұтамын, себебі ол менің отанымның рухын, еркіндігін және болашағына деген сенімін бейнелейді.
Ахмет Кәусар Панабекқызы,
Байзақ ауданы №1 мектеп-гимназиясының 8 «а» сынып оқушысы
