Елорданың Терроризмге қарсы шұғыл штабы бүгін Нұр-Сұлтан қаласында ұрыс жағдайына барынша жақындатыла отырып, лаңкестік актілерге қарсы оқу-жаттығу өткізетінін мәлімдеді, деп хабарлайды Stan.kz ақпарат агенттігі.
Оқу-жаттығу 29 сәуір күні сағат 08.00-14.00 аралығында «Қазақстан темір жолы» ҰК» АҚ-ның Техникалық жолаушылар паркінің аумағында (Шу көшесінің аяқталған тұсы, Әл-Фараби – Қошқарбаев көшелерінің қиылысы) өтеді.
“Іс-шара мақсаты шұғыл штабтың күштері мен құралдарының террористік әрекеттерге дереу жауап қайтару бойынша дайындығын тексеру. Оқу-жаттығу түрлі күрделі элементтерді қамти отырып, ұрыс жағдайына барынша жақындатылған.
Техникалық жолаушылар паркінің маңайында шектеу шаралары қарастырылған. Осыған байланысты азаматтардан өткізіліп жатқан іс-шараларға түсіністікпен қарауға, қауіпсіздік шараларын сақтауға және жұмылдырылған мемлекеттік органдар қызметкерлерінің заңды талаптарын орындауға шақырамыз», — деді Терроризмге қарсы шұғыл штаб өкілдері.
https://stan.kz/nyr-syltanda-terrorizmge-karsi-oku-zhattigu-otedi-363782/
