Бүгін, 17:53 / Алуа Арман
Фото: Anadolu
Непал мен Қытай билігі екі ел шекарасында сел жүруі салдарынан жалпы саны 1000-нан астам адамның хабар-ошарсыз кеткенін мәлімдеді, деп хабарлайды turkystan.kz.
Синьхуа агенттігінің хабарлауынша, бейсенбі күні таңертеңгі жағдай бойынша Қытай Халық Республикасының Тибет автономиялық ауданындағы Қытай-Непал шекарасында болған апат салдарынан 558 адам хабар-ошарсыз кеткен, тағы үш адам қаза тапқан.
— Хабар-ошарсыз кеткендердің арасында 260 шетелдік азамат бар, — деді құтқару жұмыстарын ұйымдастыру штабының бірінші қолбасшысы Норбу Цэрин.
Синьхуаның жазуынша, Қытай Халық-Азаттық армиясы Шығыс аймағының қолбасшылығына қарасты топ бейсенбі күні таңертең Тибет автономиялық ауданына жіберілді. Әскери қызметшілер Гьиронг уезінің Цзилун қаласында болған селдің салдарын жою бойынша бірлескен құтқару жұмыстарына қатысады.
Непал билігінің мәліметінше, бейсенбі күнгі жағдай бойынша кемінде 162 адамның қаза тапқаны расталды. Тағы 826 адам хабар-ошарсыз кеткен, оның ішінде 466 шетелдік азамат бар.
Еске сала кетейік, 26 тамызда кенеттен болған су тасқыны Непал мен Қытай шекарасына жақын аумақта көшкіндерге себеп болды.
Толық нұсқасына гиперсілтеме беруді ұмытпаңыз: https://turkystan.kz/article/287800-nepal-men-qytai-sekarasyndagy-selden-keiin-mynnan-astam-adam-xabar-osarsyz-ketti
