«Облыстың үздік мейіргері – 2026» байқауының жеңімпаздары марапатталды
Халықаралық мейіргерлер күніне орай ұйымдастырылған ауқымды іс-шара өз мәресіне жетіп, сала үздіктері салтанатты түрде марапатталды.
Байқау барысында мейіргер ісінің үздік өкілдері анықталып, олардың кәсіби біліктілігі мен тәжірибесі жоғары бағаланды. Қатысушылар бірнеше кезең бойынша сынға түсіп, теориялық білімдері мен тәжірибелік дағдыларын жан-жақты көрсетті.
Салтанатты марапаттау рәсімінде Жамбыл облысы әкімдігі денсаулық сақтау басқармасының басшысы Сержан Назарбек құттықтау сөз сөйлеп, мейіргерлердің денсаулық сақтау жүйесіндегі орны айрықша екенін атап өтті. Ол өз сөзінде адам өміріне араша түсіп, науқасқа мейірім мен күтім сыйлайтын мейіргерлер еңбегінің қашанда құрметке лайық екенін жеткізді.
Байқау қорытындысы бойынша үздіктер төмендегі номинациялар бойынша анықталды.
«Үздік стационар мейіргері – 2026» номинациясы:
І орын – Конысбаева Нұргүл Абылайқызы, Жамбыл облыстық жұқпалы аурулар ауруханасының мейіргері
ІІ орын – Тамабек Ербол Алмасханұлы, қалалық көпбейінді аурухана және консультативтік-диагностикалық орталығының анестезиология және реанимация бөлімшесінің аға мейіргері
ІІІ орын – Танибергенова Жансая Беркімбайқызы, ғылыми-клиникалық кардиохирургия және трансплантология орталығының операциялық мейіргері
«Үздік медициналық-санитариялық алғашқы көмек мейіргері – 2026» номинациясы:
І орын – Байбосынова Ақмарал Асылбекқызы, №7 қалалық емханасының хирургия бөлімінің мейіргері
ІІ орын – Елшібек Үміт Елшібекқызы, Талас аудандық көпбейінді орталық ауруханасына қарасты Қызыләуіт дәрігерлік амбулаториясының екпе егу мейіргері
ІІІ орын – Нұғманова Назерке Жартыбайқызы, «Жаншуақ Medical Group» орталығының балалар хирургының мейіргері
«Үздік ауыл мейіргері – 2026» номинациясы:
І орын – Жылқыбаева Аяжан Ерланқызы, Қордай аудандық орталық ауруханасының жалпы тәжірибелік мейіргері
ІІ орын – Ерлан Анар Ерланқызы, Байзақ аудандық орталық ауруханасының емхана мейіргері
ІІІ орын – Әлібек Асылзат Қанатбекқызы, Мойынқұм аудандық орталық ауруханасының офтальмолог мейіргері
ІІІ орын – Сұлтанқазы Зарина Артықбайқызы, Шу көпбейінді аудандық орталық ауруханасының жансақтау бөлімінің мейіргері
Жеңімпаздар арнайы дипломдармен және бағалы сыйлықтармен марапатталды.
Осылайша, Халықаралық мейіргерлер күні аясында өткен байқау өз мәресіне жетіп, сала үздіктері анықталды. Кәсіби шеберлік пен тәжірибе таразыға түскен додада жеңімпаздар лайықты марапаттарға ие болды. Аталған шара мейіргер еңбегінің маңызын тағы бір мәрте айқындап, олардың қоғамдағы орны мен жауапкершілігін айшықтай түсті.
Жамбыл облысы әкімдігінің денсаулық сақтау басқармасы
