Бүгін Тараз қаласының әкімі Бақытжан Орынбеков бірқатар азаматтарды жеке сұрақтарымен қабылдады.![]()
Шаһар басшысының қабылдауына келген қала тұрғындары жер кезегі, тұрғын үймен қамтамасыз ету, жер телімдеріне жарық жүргізу, салқын су құбырын ауыстыру, «Салтанат» шағын ауданы, №29 Б және №29 А жатақханалардың жөндеу жұмыстарының төлемі, тал кесу, жолаушылар көлігіне қатысты сауалдар қойды. Сонымен қатар, қалаішілік жолдар жөнінде де мәселе көтерді.
Қала әкімі қабылдауға келген тұрғындардың сауалын мұқият тыңдап, зерделеу жұмыстарынан кейін заң аясында шешімін табатындығын айтты. Сонымен қатар, азаматтардың өтініш-тілектерін жауапты мамандарға тапсырды.