Тектілерді бесігінде тербеткен,
Жуалыдай жер табылмас жер-көктен.
Тұнығынан шөл қандырып Тұрарлар,
Бауырында Бауыржандар ержеткен!
Бір жағында Алатау,
Бір жағында Қаратау.
Қасиетті Жуалым,
Берекелі бақ отау!
Боз жусанның исі аңқыған боз далам,
Сағынғанда саған келсем мəз болам.
Тауға ұмтылып, асау Теріс өзені,
Ер Шерханы елдің шерін қозғаған.
Көксай менен Айнакөл,
Көк шалғыны майда бел.
Жаса, дархан, дəулетті,
Жаны қайсар жайдары ел!
Бұл мекенге Асан қайғы тоқтапты,
Топырағы майлы екен деп мақтапты.
Қалың қардың суын қанып ішетін,
Жуалының жуасы да тəп-тəтті!
@Олжас Отар
