10 тамыз – Абай күні аталып өтеді. Осыған орай Ұлттық статистика бюросы оның есімімен байланысты қызықты деректер жариялады.
Мәліметке сәйкес, елімізде Абай есімді 18 961 адам тұрады. Оның ішінде 2 186 адам Астана қаласында, 2 008 адам Түркістан облысында, және 1 740 адам Алматы қаласында тұрады.Абай есімді ең үлкен жастағы қазақстандық 1932 жылы дүниеге келген. 30-34 жастағы тұрғындар арасында Абай есімі ең көп қойылған. Олардың саны – 3 267 адам.Абай есімі жаңа туған сәбилерге де жиі қойылады. Биылғы жылдың алғашқы жартысында 91 балаға осы есім берілген.Бұл есім қыз балаларға да қойылған, Қазақстанда Абай есімді 9 әйел тіркелген. Сонымен қатар Ибраһим, Ибрагим және Ибрахим есімдерін иеленген 37 844 адам бар.Ұлы ақынның есімі еліміздің географиялық атауларында кеңінен көрініс тапқан. Қазіргі таңда Абай есімімен 1 облыс, 1 қала, 3 аудан және 26 ауыл аталады.