Ұлыстың Ұлы күні қарсаңында атап өтілетін «Игі істер» күніне орай «Рухани керуен» жобасы аясында Жамбыл ауданынан аттаған қазыналы қариялар, өнерпаздар, қол өнер шеберлері және қоғам белсенділері бастаған топ өкілдері жұлдызы биік Жуалы ауданына келіп жетті.
Делегация құрамын «Рухани жаңғыру» облыстық фронт-офисінің басшысы Ринат Нұрақбаев, «Руханият және тарихтану орталығы» коммуналдық мемлкеттік мекемесінің директоры Сауран Қалиев және Жамбыл ауданы әкімінің орынбасары Олжас Баққараев, аудандық ардагерлер кеңесінің төрағасы Сырлыбаев Бақыт, Батагөй қария Орынбай Рысбаев, аудан әкімдігінің ішкі саясат бөлімінің басшысы Мадияр Самбетов бастап келді. Жамбылдан жеткен қонақтарды Жуалы аудан әкімінің орынбасары Анар Ахметова және аудандық ардагерлер кеңесінің төрағасы Сейітхан Жұмашев, қоғамдық кеңестің төрағасы Әбдікерім Уркумбаев, «Мың баланың анасы» атанған денсаулық сақтау саласының ардагері, «Мехрибан» әзербайжан этно-мәдени орталығының жетекшісі Эсмира Мамедова, «Аналар алқасының» төрайымы Айгүл Омарова және тиісті бөлім басшылары қарсы алды. Қонақтар атыннан белгілі айтысқер ақын Айтмұхамбет Исақов жырдан шашу шашты. Ары қарай Жамбылдықтардың тарихи жәдігерлері, қолөнер шеберлерінің бұйымдары және рухани ошақ саналатын кітапханашылардың кітап көрмесі жабдықталып, таныстырылды. Ал, аудандық «Достық» мәдениет үйінің залында өткен концертте Жамбылдық «Салбұрын» үштігі, гитарист Нұрғұлан Оспанов қатарлы өнерпаздар сахнаға шығып, көпшілікке мерекелік көңіл сыйласа, қолөнер шебері Айдар Сейтханов, құсбегі Бауыржан Ешметов өз жұмыс тәжібиелерімен бөлісті.
Кеш соңында «Рухани керуен» жобасын жүзеге асыруына атсалысқан Жамбылдықтар Алғысхатпен марапатталды.
Келесі керукен Т.Рысқұлов ауданына жол тартады.
