Ауыл мәдениетін дамыту – маңызды міндеттердің бірі. Ал «АУЫЛ–CLUB» жобасы осы бағыттағы нақты әрі пайдалы бастамалардың бірі болып табылады. Әріптестердің бас қосып, пікір алмасатын тимбилдингтің берер пайдасы мол. Осы орайда, Байзақ ауданында жаңа мәдени этикалық нормаларды қалыптастыруға бағытталған «АУЫЛ–СLUB» облыстық ART-тимбилдингі өтті.
Аталған іс-шара барысында ауылдық мәдениет үйі мен клуб меңгерушілері өзара тәжірибе алмасып, біліктіліктерін арттырды. Облыстық халық шығармашлығы орталығының ұйымдастыруымен дәстүрлі түрде жалғасын тапқан іс-шараның қорытындысы бойынша Сарысу ауданы 2 — орынды иеленіп, музыкалық аппаратура жеңіп алды. Бұл аудандық мәдениет қызметкерлерінің жемісті еңбегі.
