Қазақстанның алты облысында және Шымкентте ауа райына байланысты ескерту жарияланды.
Синоптиктер шаңды дауыл соғып, найзағай ойнап, жел күшейеді деп ескертеді.
«Қазгидромет» РМК мәліметіне сәйкес, 19 сәуірде Түркістан облысының батысында, оңтүстігінде және таулы, тау бөктеріндегі аймақтарда найзағай ойнайды. Облыстың солтүстігі мен батысында шаңды дауыл соғады. Солтүстік-шығыстан жел соғады, облыстың батысы мен таулы, тау бөктеріндегі аудандарда жел екпіні 15-20 м/с-ке жетеді. Шымкентте синоптиктер найзағай ойнап, жел күшейеді деп болжап отыр.
Сонымен қатар, Түркістан қаласында найзағай ойнап, бұрқасын болады. Шаңды дауыл соғады.
Солтүстік Қазақстан облысының оңтүстік-батысында оңтүстік-батыстан жел соғады, екпіні 15-20 м/с болуы мүмкін.
Қарағанды облысының оңтүстігінде, шығысында солтүстік-шығыстан жел соғады, екпіні 15-20 м/с, күндіз кей жерлерде 23 м/с-ке дейін күшейеді.
Қызылорда облысының орталығында солтүстік-шығыстан жел соғады, күші 15-20 м/с-ке жетеді. Сондай-ақ Атырау облысының батысында оңтүстік-шығыстан жел соғады, күші 15-20 м/с-ке жетеді.
Алматы облысының таулы және тау бөктеріндегі аудандарында оңтүстік-шығыстан жел соғады, найзағай ойнайды.
https://stan.kz/shimkentte-zhane-alti-oblista-aua-rayina-baylanisti-esk-363209/
