2025 жылы 3 мың қазақстандық әскери қызметші әскери дайындыққа шақырылады. Қорғаныс министрлігі тиісті бұйрықты қоғамдық талқылауға шығарды, деп хабарлайды Malim.kz.
«Әскери қызметшілерді 2025 жылға әскери дайындыққа шақыру туралы» бұйрықты Қорғаныс министрлігі «Ашық НҚА» порталында жариялады.
Әскери жиындардың негізгі мақсаты – бейбіт уақытта қысқартылған санда ұсталатын әскери бөлімдердің жауынгерлік және жұмылдыру дайындығын арттыру, жұмылдыру кезінде ҚР Қарулы күштерін, басқа да әскерлер мен әскери құралымдарын орналастыру үшін қажетті әскери-оқытылған ресурстарды дайындау және запаста жинақтау, делінген Қорғаныс министрлігі хабарламасында.
2025 жылы 3 мың әскерге шақырылған азамат 30 күндік оқудан өтуі тиіс.
Оларды орындамау айыппұл түріндегі әкімшілік жауапкершілікке әкеп соғады.
Құжат жобасы 7 ақпанға дейін қоғамдық талқылауға ұсынылды.
Фото: Қорғаныс министрлігі