Техас тұрғыны Анна Карденас басынан өткізген жаншошырлық түнді ешқашан ұмытпайды. Түнгі үшке жақын, ол пәтерінде бетіне бірдеңе ағып жатқанын сезгендіктен оянып кеткен. Жоғарыдан бетіне тамып жатқан су емес, қан екенін білгенде дереу құтқарушыларды шақырған.
Түннің бір уақытында оянған әйел бетіне тамған су екен деп ойлаған. Жоғарыдағы көршісі кранды жабуды ұмытқан шығар деген ойда болған. Бірақ жарықты жағып қарағанда бүкіл денесі мен төсегін қызыл тамшылар төгілгенін көреді. Бірнеше минуттан кейін Анна жоғарыдан тамған тамшылардың су емес, қан екенін біледі.
Төбеге қарап, ол желдеткіш құбыр арқылы қан ағып жатқанын көрген. Ол бірден құтқару қызметін шақырған.
Оқиға орнына келген құтқарушылар жоғарыдағы қабатта орналасқан пәтерді ашып, еденде ер адамның мәйітін анықтайды. Журналистердің айтуынша, қайтыс болған адам жатқан кілем қанға малынған.
Оқиғадан кейін бірден Анна қонақ үйге көшіп, достарына тәбетін жоғалтқанын және түнде ұйықтамайтынын айтты. Ол, сонымен қатар өзінің психологиялық жағдайы туралы үй иесіне айтып, бүлінген төсегінің орнына жаңасын алып беруді сұрады. Бірақ тұрғын үй жалдау шартына қол қоймастан алынып тасталғандықтан, пәтер иесі Аннаға көмек көрсетуден бас тартты.
Әбден шошынған әйел медициналық тексерістен өтіп, психолог көмегіне жүгініп жүргенін жасырмайды.
Аннаның желідегі оқырмандары мен достары жанашырлық танытып, қолдау білдіруде. Олар көмектесуге шешім қабылдап, краундфандингтің көмегімен оның шотына 17000 доллардан астам қаражат аударды. Америкалық әйел бұл ақшаны жаңа жиһаз сатып алуға жұмсауды жоспарлап отыр.
