Әскерден мүгедек болып оралған Ербаян Астанаға оралмақ. Бұл туралы заңгер Инга Иманбай өзінің әлеуметтік желідені парақшасына жазды, деп хабарлайды Malim.kz.
Ербаян Мұхтардың емінің бірінші кезеңі аяқталып, ол Астанаға жолға шықты. Яғни Ербаянымыз 2-3 ай елде болады. Басына жасалған отадан кейін толыққанды реабилитация бастау үшін оның ағзасы біраз уақыт демалуы керек екен. Көктемде ол Түркияға қайта ұшып, екінші кезең, реабилитацияны бастайды. Астанада Ербаян нейрохирург профессор Гёкхан Акдемирдің толық бақылауында болады. Бір айдан кейін дәрігердің өзі ұшып келіп, жағдайын өз көзімен көріп кетемін деп отыр. Гёкхан Акдемир Ербаянның басына ота жасаған дәрігер. Ол кісіге ерекше алғысымызды айтқымыз келеді, деп жазды ол.
Сонымен қатар, ол Ербаян Стамбулда болғанда емін ұйымдастырып, аударма жасап, жандары қалмай көмектескен Динара мен Реджепке де алғыс айтты.
Жуырда Ербаянның ата-анасы бірінші кезең еміне кеткен қаражат бойынша есеп беріп, осы аралықта төленген қаражаттың чектерін жариялайды. Осының барлығы Сіздердің арқаңызда екенін біз ешқашан ұмытпаймыз. Ербаянның емі ұзақ екенін, шыдам мен табандылықты қажет ететінін ескеріп, оған тек қуат пен жігер тілейміз. Ал бүгінше, бәріміз елге, Отанына ұшып келе жатқан Ербаянға ақ жол тілеп қояйықшы, деді ол.
Фото: stan.kz
фото:
https://malim.kz/article/opinion/turkiyada-ota-zasatqan-erbayan-astanaga-qaitatyn-boldy-28275?fbclid=IwY2xjawIMHatleHRuA2FlbQIxMQABHWUstFE62HJaF3UdA6XXVN0J-RmCNfLba0yZVmMXM0bSbXYUs9HcEAsRfQ_aem_LWVZV2XZ_oDMnMFj5JBVSQ
