Қалалық көп бейінді ауруханасында өңештен бөтен затты эндоскопиялық аппарат арқылы алып тастау операциясы жүргізілді.
29 жастағы Тараз қаласының азаматы ауруханаға тамағына бөтен зат тұрғандай болып, ауа жетпей, жағдайы қиындаған соң қайырылған. Өзінің айтуы бойынша 2-3 сағат бұрын аш қарынға короновирустық инфекцияның алдын алу үшін сарымсақ түйірін жұтқан, бірақ ол өңештің кіреберісінде тұрып қалған. Қалалық көп бейінді ауруханасының хирургия бөлімінің дәрігерлері оған жалпы анестезия қолдана отырып, кеңірдек ФГДС – өңешті, он екі елі ішекті, асқазанды зерттеудің энодоскопиялық әдісін қоданып, бөгде заттың тұрып қалғанын анықтайды. Фиброгастродуоденоскопия — асқазан-ішек жолдарын көзбен зерттеудің ең тез, тиімді және қауіпсіз жолдарының бірі болып табылады, оның көмегімен аздаған уақыттың ішінде нақты диагностика жасап, қажет болған жағдайда ас қорыту ағзаларынан ісіктерді жедел жоюға болады. Жаны қиналған азаматқа оперативті түрде жасалған шұғыл емнің арқасында ол өзін өмірге қайта келгендей сезінгендігін айтты. Лезде жағдайы жақсарып, өзін жақсы сезіне бастады.
Осындай шұғыл әрекет жасап, науқасқа екінші өмір сыйлаған хирургия бөлімінің меңгерушісі Рахымжан Ғабиден өңешіне аяқ астынан бірдеңе тұрып қалып, мән бермей, ауа жұта алмай қалатын науқастардың, көбіне, қиын жағдайға тап болатындықтарын айтты. Мұндай жағдайда, тек дәрігер көмегіне жүгіну қажеттігіне баса назар аударды.
Өңештің зақымдануы салдарынан болатын өлім қаупі өте жоғары, сол себепті, адамдар өздігінен ем жасамай, ең алдымен,медициналық көмекке жүгінгені жөн.
Денсаулық сақтау басқармасының
баспасөз қызметі
