Бельгия құрамасы мен «Интер» және «Рома» клубтарының бұрынғы ойыншысы Раджа Наингголанды есірткі саудасына қатысы бар деген күдікпен Брюссель полициясы қамауға алды, деп хабарлады turkystan.kz порталы Prosports.kz сайтына сілтеме жасап.
Corriere dello Sport мәліметінше, құқық қорғау органдары 36 жастағы спортшыны бүгін, 27 қаңтар күні ұстаған.
Еске сала кетейік, 22 қаңтарда жартылай қорғаушы Бельгияның екінші дивизионында ойнайтын «Локерен-Темземен» келісімшарт жасасқан еді.
Наингголан Бельгияда кокаинды таратуға қатысты ұйымдасқан қылмысты тергеу аясында тұтқындалған. Қазіргі уақытта тергеу жұмыстары жалғасып жатыр. Футболшы халықаралық есірткі айналымына қатысы бар деп айыпталда. Ол Оңтүстік Америкадан Еуропаға кокаинді Бельгия порты арқылы жеткізуге көмектескені айтылған.
Наингголан бұрын Италияның «Кальяри», «Пьяченца», миландық «Интер», римдік «Рома», СПАЛ және Бельгияның «Антверпен» клубтарында ойнаған. Футболшының соңғы клубы индонезиялық «Бхаянгкара» болды. Наингголан – миландық «Интер» сапында Италия чемпионы және «Антверпенмен» Бельгия чемпионы атанған.
https://turkystan.kz/article/255110-tanymal-futbolshy-esirtki-tasymaldady-degen-kudikke-ilindi
Фото: Image: REX/Shutterstock
