Қала аумағында тазалық талаптарын сақтамаған тұрғындарға қатысты ақпараттық-түсіндіру жұмыстары үнемі жүргізілуде. Дегенмен қала тазалығына нұқсан келтіріп, ауласын таза ұстамаған тұрғындар саны азаяр емес.
Бұл расында да өзекті мәселе. Түсіндіру жұмыстары жүргізілгенімен, көп жағдайда тұрғындар арасында «ортақ жауапкершілік» сезімі жетіспей жатады. Көбінесе адамдар өз үйінің ішін таза ұстағанымен, сыртқы ауланы «бөтен аумақ» деп есептейді.
15 сәуір мен 30 сәуір аралығында рейдтік шаралар барысында екі аудан бойынша тазалық талаптарын бұзудың 257 дерегі анықталды. Оның ішінде Әулиеата ауданы бойынша 143 тұрғынға ескерту және 16 азаматқа айыппұл, Жібек жолы ауданында 105 тұрғынға ескерту және 39 адамға айыппұл берілді. Бұл шаралар қалада тазалық мәдениетін қалыптастыруға, қоғамдық орындардың санитарлық жағдайын жақсартуға және қоршаған ортаны қорғауға бағытталған.