Tele2/Altel жүздеген базалық станцияларды орнатып қана қоймай, оларды белсенді түрде жетілдіру жұмыстарын жалғастыруда. Мәселен станцияларды ең жақсы трансмиссияға ауыстырады. Бұл әсіресе спутниктік жабдықта жұмыс істейтін сайттар үшін маңызды. Мұндай энергия мен жоғары бюджеттік процестерді көп қажет ететін жұмыстар әсіресе, күз бен қыстағы қолайсыз ауа райы кезінде техникалық мамандардың айтарлықтай күш-жігерін талап етеді. Қазірдің өзінде қалың қардан кейін базалық станциялардағы кез келген жөндеу жұмыстары (қар тазалау, аккумуляторларды ауыстыру және т.б.) үздіксіз жасалатын іске айналып барады.
Оператор желілік қамтуды кеңейту және Қазақстанның шалғай ауылдарын дамыту бойынша жұмыс жүргізуде
Елімізде 2020 жылдан бастап 250-ден көп тұрғыны бар ауылдарда жоғары жылдамдықты интернетке қол жеткізу үшін инфрақұрылым құруға бағытталған «250+» әлеуметтік бағдарламасы сәтті жүзеге асырылуда. Бағдарламаны іске асыру барысында қазақстандық ұялы байланыс операторлары ауылдық жерлерде бір жарым мыңнан астам базалық станцияларды орнатты. Нәтижесінде жүздеген мың қазақстандық ұялы байланыс пен интернетпен қамтамасыз етілді. Тиісінше, олардың танымал цифрлық қызметтерді пайдалану, қашықтан жұмыс істеу және оқу мүмкіндігі молайды.
Матвей Тарасенко, Tele2/Altel техникалық директоры:
“Мен 250+ жобасын Қазақстандағы 4G-ді іске қосу және Tele2 желісін коммерциялық пайдалануға енгізу сияқты күрделі жобалармен бір қатарда дер едім. 250+ жобасы ерекшеліктерімен де, тартылған ресурстардың көлемімен де, инвестицияларымен де дәл солар секілді маңызды. Бұл тұрғыда оның әлеуметтік құрамдас бөлігі де ескерілуі керек. Біз байланыс операторы ретінде аймақтарды цифрландыру қажеттілігі өте жоғары екенін түсінеміз. Сол себепті мемлекет бастамасын қолдап, осы бағытта белсенді жұмыс істеп жатырмыз. Біздің базалық станциялардың СНП-ке спутник арқылы қосылуы деректерді толық беруді жүзеге асыруды қиындатты. Сондықтан 4G сигналын беру үшін трансмиссияны ауыстыруға көп күш жұмсадық.
Сонымен қатар, Tele2 250+ ауыл тұрғындары үшін арнайы жасалған Қазақстандағы бірінші арнайы «Туған жер» тарифін әзірлеп, енгізді. Оның негізгі мақсаты абоненттерге ауылдың дамуына үлес қосатын ресурстарға: мемлекеттік қызметтерге, конференц-қызметтерге, білім беру ресурстарына тегін қолжетімділікті қамтамасыз ету болды. Ел бойынша он мыңдаған ауыл тұрғындары осындай қолжетімді әрі ыңғайлы тарифке қосылды.
Tele2/Altel сонымен қатар, әлеуметтік желілерде түрлі челлендждермен «ауылдық контентті” дамытып жүрген белсенді пайдаланушыларына қолдау көрсетуді жалғастыруда. Оператор мамандары 250+ ауылда бейнесервистердің және әлеуметтік желілердің үлесі барлық трафиктің 40%-на дерлік құрайтынын анықтағандықтан мұнда бейнежазбалар мен бейне сабақтарға ерекше назар аударылады. Мәселен, оператор #ultkazynasy хэштегімен қазақстандықтар арасында әлеуметтік желілерде цифрлық мұраны құру үшін үлкен хэштегті іске қосты. Бұл пайдаланушыларды жеке парақшаларында отбасының дәстүрлері мен әдет-ғұрыптарымен бөлісіп қана қоймай бағалы сыйлықтарға ие болуға мүмкіндік береді”.
Евгения Бекбулатова, Tele2/Altel компаниясының PR директоры:
“250+ бағдарламасын жүзеге асыру бойынша біздің бастамамыз көңіл көншітуде. Себебі 250+ ауылдарда Tele2/Altel желісіндегі интернет-трафикті тұтынудың артуы бір жылмен салыстырғанда 98% құрайды. Яғни екі есеге жуық өскен екен. Цифрландыру адамдар өмірін ыңғайлылықпен толықтырып, оларға жаңа мүмкіндіктер ашады. Бұған мысал ретінде TikTok желісін бағындырып жүрген блогерлер санының артуын айта аламыз. Сонымен қатар желінің арқасында түрлі сайттарда ауыл өнімдері мен тауарлары ұсынылуда. Тұрғындар білім беру қызметтерін белсенді пайдаланып, біліктіліктерін арттыруда. Мұның бәрі 250+ бағдарламасының әлеуметтік маңыздылығын көрсетеді.
250+ бағдарламасы іске асыру интернетпен жаппай қамтамасыз етуде әлемде жетекші орынға шығуға мүмкіндік береді. Бұл ретте бағдарлама бірнеше рет халықаралық сарапшылардың жоғары бағасына ие болды. Ал GSMA Intelligence бұл жобаны «озық 250+» деп атады”
жарнама құқығында
https://stan.kz/tele2altel-cifrlik-tensizdikpen-kuresudi-zhalgastiruda-375948/
