«Халық үніне құлақ асатын мемлекет» тұжырымдамасы аясында Тараз қаласының әкімі Бақытжан Орынбеков тұрғындарды жеке сұрақтарымен қабылдады.
Қабылдау барысында тұрғын үй, жер, «Бектөбе» және «Қызылшарық» алаптарына жаяу жүргіншілер жолын салу, қоқыс шығаратын көліктің қоқыс контейнерлеріне дұрыс кірмеуі, Шерхан Мұртаза көшесі, №16 үй тұрғындарының қоқыс контейнерлеріне баратын өтпелі жолды заңсыз жабуы мәселесі, Шерхан Мұртаза көшесі, №16 үй тұрғындарының ортақ пайдаланудағы жолды бетон плиталармен қоршауының заңдылығын тексеру бойынша, «Астана» шағын ауданы, №23, 24, 25 үйдердің жанындағы қоқыс контейнерлерінің орналасуы мәселесі, Ұлы Отан соғысының ардагері Т.Тастандиевтің атындағы аллеяны басқа жерге ауыстыру «Жеңіс» саябағында орналасқан ескерткіш тақтадағы жазуды түзету бойынша сауалдар көтерілді.
Сонымен қатар қабылдауға келген тұрғындар жер кезегі, коммуналдық қызметтердің дұрыс жүргізілуі, қураған талдарды кесу жөнінде сұрақтар қойды.
Шаһар басшысы өз кезегінде барлық мәселе назардан тыс қалмай, заң аясында жоспарға сай шешімін табатынын атап айтты.
