Қарт Қаратаудың етегінде орналасқан қойнауы қазынаға толы кеншілер шаһары — Жаңатас жаңаша бағытпен тынысын қайта ашуда. Қаланың инфрақұрылымы қайта өрлеп, «Елу жылда ел жаңа» дегендей, еңселі зауыттар мен заманға сай нысандар бой көтеріп келеді.
Бүгін аудандық мәдениет үйінде аудан әкімі Сәкен Мамытов 2025 жылдың жартыжылдық қорытындысымен халықпен есеп — беру кездесуін өткізді. Жиынға сондай — ақ, аудандық мәслихат төрағасы Шаттық Мұсабеков, аудандық ардагерлер кеңесінің төрағасы Серік Аппазов пен кеңес мүшелері, аудандық алқа билер кеңесінің төрағасы Қалмырза Жандарбек, аудандық қоғамдық кеңестің мүшелері, құқық қорғау органдарының өкілдері, мекеме және бөлім басшылары мен қала тұрғындары қатысты.
Аудан басшысы жыл басынан бері атқарылып жатқан жұмыстарды тарқатып, алдағы жоспарларды баяндады. Биыл қаламызда жаңару мен дамудың оң көрсеткіштері қалыптасқан. Қаланың дамуына іргелі өнеркәсіп саналатын «Қазфосфат» ЖШС- нің үлесі мол. Тұтас бір қаланың тарихымен жасасып келе жатқан кәсіпорынның демеушілігімен көптеген игі істердің жасалып жатқанына ел куә.
Айта кетсек,
Қаланы абаттандыру, демалыс орындарын жақсарту мақсатында орталық алаңдағы қоршаудың сырты керамогранит плиталарымен қапталды.Қала тұрғындарына жайлы жағдай жасау мақсатында қала жаяу жүргіншілер жолдары бойыннан 50 дана орындық пен қоқыс жәшіктері орнатылды.Қала ішіндегі көлік қозғалысы мен жаяу жүргіншілердің қауіпсізідігін қамтамасыз ету мақсатында қаладағы автомобиль жолдарының сызықтары жаңартылды.Қаламызды көркейту және көп қабатты тұрғын үйлерді қалпына келтіру мақсатында 2 шағын аудандағы №6 көп қабатты тұрғын үйдің (Бастилия) сырты боялып, түнгі жарық ленталары орнатылды.Мерекелік іс-шаралар өткіз барысында келушілерге жағдай жасау мақсатында қаласындағы іс-шараларға жиналмалы шатырлар мен үстелдер жасалды.Мерекелік іс-шаралар өткізу үшін орталық алаңдағы сахнаға инженерлік желілер тартылды.Қаладағы саябақтарды абаттандыру мақсатында «Даңқ» монументіндегі брусчаткалар толығымен ауыстырылды.«Таза Қазақстан» экологиялық акциясы және қаланы көгалдандыру мақсатында аллеяларды күтіп ұстау мен гүл отырғызу жұмыстарына 7 млн. тг. бөлінді. Демалыс орындары мен саябақтарға 2 200 түп тал және 15 200 дана гүл көшеттері отырғызылды.Қаладағы демалыс орындарын абаттандыру мақсатында «Жаңатас ВЭС» ЖШС-і есебінен демеушілік ретінде «Даңқ» монументіне фонтан орнатылды.30 маусым – 4 шілде аралығында қаладағы мекеме, кәсіпорын ұжымдарының, жалпы қала тұрғындарының қатысуымен «Жайнай бер — Жаңатасым» тазалық акциясына өтті. Тазалық жұмыстарына қаладағы 45 ұжымнан 647 адам қатысты. Жұмыс 2 этаппен жүргізілді:— Бірінші кезекте белгіленген аумақтағы күл-қоқыстарды тазалау, шөптерді ору, талдарды балақтау жұмыстары атқарылады.
— Екінші кезекте талдарды әктеу, балалар және жаттығу алаңшаларын сырлау жұмыстары жүргізілді. Акция аясында 90 тоннадан астам қоқыс шығарылды.
Аталған тазалық акциясына қатысқан «Казфосфат», «ЕвроХим» компаниялары, Темір жол станциясы, орталық аурухана, білім беру мекемелері, мәдениет қызметкерлері, «Қазақтелеком», «Қазпочта» және т.б. мекемелердің ұжымдарының еңбегі зор. Осы орайда, Жаңатас қаласы тұрғындарының қаламызды ластамай таза ұстауы азаматтық міндеті екені анық. Тазалық саулық негізі дегендей, әр тұрғын қаланың тазалығына тек әкімшілік қызметкерлері емес, өзі де жауапты екенін түсінуі қажет. Қаламыз жинағанда емес, ластамаған кезде шынайы таза болады.Алдыңғы кездесу барысында көтерілген мәселелер бойынша;Қаладағы мектеп директорларын ротация жасап ауыстыру.Дегерес елді мекені, Ш.Уәлиханов көшесі, №3/2 үйінің төтенше жағдай кезде орын алған су басу салдарынан зардап шеккен үйді жөндеу.1 шағын аудандағы №47, 60 көп қабатты тұрғын үйлердің алдына балалар ойын алаңшасын салу.1 шағын аудандағы №60 көп қабатты тұрғын үйдің жылу жүйесі мәселесін шешуҚоғамдық бақылау жұмыстары аясында тұрғын үй комиссиясы құрамына қаладағы белсенді азаматты қосуАбай орта мектебінде оқушылардың аздығына байланысты, оқушы санын арттыруға нақты жұмыс жасау«Асарлатып үй салу» жобасын қайта жандандырып, бір тұрғын үйді мұқтаж отбасына табыстау сияқты мәселелердің шешілуінде ілгерілеу бар. Бірқатар мәселелер бойынша тиісті жұмыстар жасалып келеді.Кездесу барысында тұрғындар қаладағы өзекті мәселелерге тоқталып, оң шешімін табуға ықпал етуін сұрады. Аудан басшысы кез — келген ұсыныс — тілектердің назардан тыс қалмайтынын айтып, заң аясында қарастыратынын жеткізді. Жиынның соңында аудандық ардагерлер кеңесінің төрағасы Серік Аппазов бірқатар ардагерлер кеңесінің мүшелеріне «Ауданның Құрметті ардагері» төсбелгісін тағып, сый — сыяпат жасады.