Адамзат баласының ғұмыры қысқа болғанымен, артында өнегелі істер қалдырып, белгілі бір саланы мықты меңгеріп, өзі өмірден өтсе де, еңбегі мен қызметі, айналасындағы адамдарға жасаған жақсылықтары мен жанына жақын тарта білетін жылылығы естен кетпейтін адамдар бар. Сондай келбетімен өмірде есте қалатын тұлғаның бірі ЕСМАХАНОВ МЕЙРАМБЕК АҒАЙДАРҰЛЫ.
Білім саласының табалдырығын аттап, сол салада еңбек еткен педагогтар аз емес. Бірақ солардың арасында есімімен ерекшеленіп, болмысымен бөлініп, жайдары, жаймашуақ мінезімен, тұлғалық қасиетімен таудай болып көрінетін бірден-бір ұлы адам болатын.
Кішіге үлгі, шәкіртке ұстаз, қиналғанға қамқоршы, ізденушіге ізгілігін таныта білген ардақты нағашым еді. Жылышырайлы жүзімен кез келгенді жанына жақын тартатын, салмақты, салиқалы сөзімен барлығын баурап алатын, ағалық ақ қасиетімен қашанда жылы шуағын шаша білетін ерекше адам болатын. Биыл нағашым арамызда болғанда 02 қараша күні туған күнімен құттықтар едік.
Өзі өмірден өткені мен, жарқын бейнесі кетпейтініне сенемін.
Халқымызда «Жақсының аты, ғалымның хаты» өлмейді деген қанатты сөз бар, артына қалдырған ұстаздық ұлағаты мен қалтқысыз жасаған қызметтері осының айқын дәлелі. Халыққа қызмет ету жолындағы төккен тері мен атқарған ерен еңбегі мен айналасына шашқан шуағы ешқашан ұмытылмайды.
