«Жаңғыру жолы» жастар қозғалысы мен «Ақ желкен жастар лигасының» белсенділері бірлесіп «SARQYT» қайырымдылық акциясын өткізді.
Жалынды жастар жұмыла қаржы жинап, Тараз қаласындағы көпбалалы, әлеуметтік жағдайы аз қамтылған және тұрмысы төмен бес отбасыға табыс етті. Әрине, шеттей бала-шаға мен тұрмыстың тауқыметін тартқан отбасылар үшін бұл қайырымдылық шарасы айтарлықтай көмек болды.
«SARQYT» қайырымдылық акциясының мақсаты ежелден салт- дәстүрімізден келе жатқан халқымыздың сарқыт әдет — ғұрпын дәріптеу, келер ұрпаққа насихаттау арқылы қайырымдылық жұмыстарын жүргізуге бағытталған.
Акциясы барасында қайырымдылық ісімен қаттар облыстық Қазақстан халқы Ассамблеясының атқарып жатқан барша істерін, сонымен қатар Ассамблея жастарының ұйытқы болумен жолға қойылған жобалар жайлы түсіндірме жұмыстары жүргізілді. Аталған акция негізінде Жаңа жыл меркесі қарсаңында да өзге этнос өкілдерінің өкілдері ата-ана қамқорлығынсыз қалған арнайы мектептерде тәрбиеленетін бүлдіршіндерге сый жасап, көңілдерін шаттыққа бөлеген еді. Міне осы игілігі мол іс бүгінде жастарға үлгі болып, оларда қайырымдылық жасауға ынта танытуда. Қолдарынан келген бар жақсылықтарын аямай, жомарттықтарын танытқан «ақ желкендік»:
– Мұндай қайырымдылық шараларын алдағы уақыттарда да жалғастыратын боламыз. Халықымызға, елімізге, жерімізге қолдау көрсетуге, жәрдем беруге қашанда дайынбыз. Елбасымыз бізді қолдап, алдыңғы толқын ағалар жүйелі жұмыстарымен үлгі болып жатса неге жақсы іс жасамасқа? Осынау сара жолды жалғап, Ұлт көшбасшысы Нұрсұлтан Әбішұлының жастарға артқан сенімін ақтаймыз, сарабдал саясатының орындалуы жолында берілген тапсырмаларын орындаймыз. Бұл, біз және біздің болашағымыз үшін аса маңызды екені хақ, – деп бірауыздан жастық жігерлерін танытуда.
Бұл жастардың алғашқы рет жасаған қайырымдылығы емес. Бұған дейін де көптеген ауыз толтырып айтарлықтай мейірімі мол істерден төбе көрсеткен. «Ақ желкендік» жастар алдағы уақытта да алған беттерінен айнымақ емес.
Назерке Оңғар ,
Жамбыл облысы әкімі аппаратының «Қоғамдық келісім» КММ баспасөз қызметінің маманы
