Жамбыл облысының Полиция департаменті Есірткі қылмысына қарсы іс-қимыл басқармасының қызметкерлері дәрігерлермен бірлесіп, нашақорлықтың алдын алу бойынша тұрақты негізде жұмыс жүргізуде.
Өткізілген кезекті конференцияда
Жамбыл облыстық психикалық денсаулық орталығында есірткінің таралуына қарсы күресте мүдделі ведомстволардың өзара іс-қимыл мәселелері талқыланды.
Конференцияға облыстық психикалық денсаулық орталығының, білім басқармасы, С.Асфендияров атындағы ҚҰМУ филиалы, «ZHANUYA» емханаларының, №2, №5, №6, №8 қалалық емханаларының, “Almaz Medical Group» ЖШС, «Садыхан» ОКДМЦ ЖШС-нің қызметкерлері қатысты.
Іс-шара барысында психикалық және мінез-құлық бұзылулары бар пациенттерге медициналық көмек көрсету сапасын жақсартуға, оқушылардың аутодеструктивті мінез-құлқының алдын алуға қатысты өзекті мәселелер көтерілді.
⁃ Мұндай кездесулер жалпы жұмыс алгоритмін жасауға көмектеседі. Денсаулық сақтау мекемелерінің қызметкерлерімен тығыз және өзара тиімді ынтымақтастық орнату барлық бағыттар бойынша алдын алу жұмыстарын жоғары деңгейде жүргізуге мүмкіндік береді, — деді облыстық Полиция департаменті Есірткі қылмысына қарсы іс-қимыл басқармасының бастығы Асқар Жұмабеков.
