Жас ғалымдарға баспана беріліп жатыр – Қасым-Жомарт Тоқаев: 25 желтоқсан 2025, жаңалықтар Turkystan.kz
Бүгін Жамбыл облысына жұмыс сапарымен барған Мемлекет басшысы Тараз жұртшылығымен кездесуде елімізде әлеуметтік саланы дамыту бағытында қолға алынып жатқан шараларға тоқталды, деп хабарлайды turkystan.kz.
«Біз өркениетті ел болу үшін нақты шаралар қабылдап жатырмыз. 2019 жылдан бері 1289 жаңа мектеп салынды. Соның 130-дан астамы осы жылы бой көтерді. Білім беру саласына бөлінетін қаражат үш есе көбейді. Ғылымға салынған инвестиция бес жылда 5 есе өсті. Қазақстанда шетелдің 33 университетінің филиалдары ашылды. Жас ғалымдарға баспана беріліп жатыр. Сондай-ақ ұлт саулығын жақсарту үшін ауқымды жұмыс атқарылды. Азаматтардың орташа өмір сүру ұзақтығы 75,4 жасқа жетті. Мұны рекордтық көрсеткіш деуге болады. «Ауылда денсаулық сақтауды жаңғырту» жобасы табысты жүзеге асырылып жатыр. Соның аясында 646 амбулатория және фельдшерлік-акушерлік пункт ашылды. Бұған қоса, 32 аудандық аурухана заман талабына сай көпбейінді орталық аурухана ретінде жаңғыртылып жатыр», – деді Президент.
