№67 мекемеде өзіндік қауіпсіздік тобы өкілдерінің қатысуымен жұмыс кездесуі өткізілді. Кездесу барысында қызметтік тәртіпті сақтау, сыбайлас жемқорлыққа қарсы заңнама талаптарын орындау, сондай-ақ жеке құрам арасында құқық бұзушылықтардың алдын алу мәселелері талқыланды.
Кездесуге қатысушыларға өзіндік қауіпсіздік тобы қызметінің негізгі бағыттары, мекеме қызметкерлерімен өзара іс-қимыл жасау тәртібі және белгіленген нормаларды бұзғаны үшін жауапкершілік түсіндірілді. Мұндай іс-шаралар қызметтік құқықтық мәдениетті арттыруға және мекеме қызметіндегі заңдылықты нығайтуға бағытталған.
