«Жер аманаты»: Алматыда заңсыз иелегінген жер мемлекет меншіне қайтарылды Толық нұсқасына гиперсілтеме беруді ұмытпаңыз:

«AMANAT» партиясы

https://turkystan.kz/article/265615-zer-amanaty-almatyda-zansyz-ielengen-zer-memleket-mensigine-qaitaryldy
«AMANAT» партиясының «Жер аманаты» комиссиясы Алматы қаласындағы шағын жер телімі үшін болған дауға нүкте қойды. Қарасай батыр мен Нұрмақов көшелерінің қиылысында орналасқан, өз бетінше қоршалып алынған жасыл аумақ мемлекет меншігіне қайтарылды, деп хабарлайды turkystan.kz.

Бұған дейін бұл жерде бірнеше жыл бойы жергілікті тұрғындар күтіп-баптаған шағын бақ болған. Сондай-ақ оның астынан электр және жылу желілері өткен. Алайда, темір қоршау орнатылған соң, бұл жерге кіруге тыйым салынып, ағаштар кесіле бастаған. Нұрмақов көшесіндегі №92 үйдің тұрғыны Вера Симонова бұл жағдай бойынша түрлі мемлекеттік органдарға талай мәрте өтініш жолдағандарын айтты.

«Биыл наурыз айында жер телімін өз бетінше заңсыз иеленудің куәсі болдық. Біз аудандық әкімдікке, жер қатынастары басқармасына және «AMANAT» партиясына жүгіндік. Мұнда екі қабатты кеңсе ғимаратын салмақ болған, бірақ оған бұл жер мүлдем лайықсыз еді. Партия бізді қолдаусыз қалдырмады. Барлық құжаттарды жойдық, сотқа жүгіндік, жеңдік және сот шешімімен қоршау алынып тасталды. «Жер аманаты» комиссиясының араласқанына қуаныштымын», – деді ол.

Партия мүшелері уәкілетті органдармен бірлесіп тексеріс жүргізіп, материалдарды сотқа жолдады. Алмалы аудандық соты 0,0080 гектар (80 шаршы метр) жер телімін мемлекет меншігіне қайтару туралы шешім қабылдады. Қоршау иесі оны өз еркімен алып тастауға уәде бергенімен, сот шешімі орындалмай, оны мәжбүрлеп бұзуға тура келді.

«Кәсіпкер мұнда екі қабатты кеңсе ғимаратын салуды жоспарлаған. Рұқсатсыз жиырма ағашты кесіп тастаған. Біз тиісті қызметтер мен құқық қорғау органдарын тартып, тұрғындарға сотқа жүгінуде көмектестік. Нәтижесінде әділдік жеңді», – деді қалалық мәслихат депутаты, Алматы қалалық «Жер аманаты» комиссиясы төрағасының орынбасары Бақытбек Жұмабаев.

Сот шешімін орындау күні мұнда осы аумақты өз аулаларының бір бөлігі деп санайтын екі үйдің тұрғындары келді. Нұрмақов көшесіндегі №92 үй тұрғыны Екатерина Баби партияның басынан аяғына дейін бірге болғанын атап өтті.

«Бізге барлық сұрақтарға жауап беріп, әрдайым қолдау көрсеткен куратор болды. Жұмыс үйлесімді жүрді, бізді жалғыз қалдырмады. Осындай қолдау мен көмегі үшін алғыс айтамын», – деді ол.

«Жер аманаты» комиссиясы Алматының жер ресурстарын қорғау бағытында жүйелі жұмысын жалғастыруда. Соның арқасында қалада ондаған жер телімі мемлекет меншігіне қайтарылды, Бутаковка шатқалындағы 5 гектарлық алма бағы қалпына келтірілді, әл-Фараби атындағы Қазақ ұлттық университетінің пайдаланымында болған жерлер қайтарылды және тағы басқа жұмыстар атқарылды.

«Жер аманаты» комиссиясына «AMANAT» партиясының Республикалық қоғамдық қабылдауы арқылы жүгінуге болады:

Call-орталық: 8 800 080 4441 (Қазақстан бойынша қоңырау шалу тегін);
WhatsАpp: 8 700 800 4441
E-mail: komek@amanatpartiasy.kz

Толық нұсқасына гиперсілтеме беруді ұмытпаңыз: https://turkystan.kz/article/265615-zer-amanaty-almatyda-zansyz-ielengen-zer-memleket-mensigine-qaitaryldy