«Дөкейлермен көңілдес болып «құрмет орденін» алғанда…»деген педагог білім саласындағы сұмдықтарды ашық айтты

Белсенді педагог, білім саласының маманы Гүлшат Жолдыбайқызы өзі жұмыс істейтін саладағы сұмдық жайттарды айтып, билік өкілдеріне білім саласын реттеуді сұрап, ұсынысын білдірді деп жазады Democrat.kz.

«Үздік педагогтердің» еңбектерін жариялансын!

Қандай еңбегі үшін алды, білуге құқымыз бар.    Мысалы,  кеше миллиондарды жымқырған біреу «Еңбек ері» марапатын алса алдыңғы жылы жеңілтек әйел дөкейлермен көңілдес болып «құрмет орденін» алғанда   марапаттарға сенімім өшті. Президент білмейді.

Адал еңбегімен алған, еңбегін республика пайдаланып отырған ғалымдар еңбегіне басымды иемін, оларға қатысы жоқ бұл әңгіменің. 9 облыс дидактикалық ойындарымды ойнап пайдаланса да бірде бір марапатқа ұмтылмаппын.

Бірде бір санатты алмадым мектепте себебі, тест сұрағы қате, ал оқулықтың қатесі тест сұрағында тұр, одан басқа да себебі, тестті мойындамвймын себебі, тест адам білімінің көрсеткіші бола алмайды ешқашан.

Харизмамды, энтузиазмымды, тек өз пәнім емес сабақта жан жақтылығымды тест бағалай алмайды.

Мұғалім авторлық кітап жазуға міндетті емес

Авторлық жазуға мұғалім міндетті емес себебі, авторлықты ешкім ешкімдікін пайдаланбайды, аттестациядан өту үшін жалынып мектептерге, облыстарға өтірік, пайдаланды деп қойғызып алып жүр.

Ақиқаты сол. Ахмет Байтұрсынов пен Ыбырай Алтынсарин жүз жылда бір рет дүниеге келеді авторлықты солар сияқты біртуар адамдар өз еркімен талабымен жазса ғана оны ұлт пайдаланады.

Кез келген адам А. Ыбырай бола алмайды. Мен сондықтан, аттестацияның былығынан өтірік көзбояп өтіп айлық үшін сатылмадым. Ол туралы кезінде Аймағамбетовке жаздым республикалық ұжымдық арыз қылып жауап бермеді.

Әр мұғалімнің жұмыс өтілі есептелсін

Стаж есептелсін, сол кезде бұндай көзбояушы жүйе болмайды. Шебер дегені шебер емес, шебердің критерийі шеберді анықтай алмады, зерттеуші де сарапшысы да бәрі көзбояушы факторлар.

Нүктесін қояр кез келді. Адам баласының еңбек өтілі есептеліп соған құрметпен қараса әділдік орнайды ал дарынды ұстаздар еңбек жазып Ұлттық білім академиясына ұсынса ол еңбек құнды, пайдалы болса әрине тез тарайды.

Егер мұғалімдер пайдаланып, оқушылар қуанса ол мұғалім марапат алсын, директор болсын, білім басқармасы болсын қалғаны бос сөз. Бұлай алысқа шаппаймыз.

Аттестациядан өту шарттары қайта қаралсын

Аттестациядан өту үшін өтірік этаптардан өтіп тест тапсырып патфолио жинау деген мұғалімді сабағынан қалдырады, алаңдатушы, көзбояушы ешкімге пайдасы жоқ керек емес дүние.

Мұғалім сабағын берсін, ашық сабақ берсін ауданға, облысқа, қалаға. Оның сабақтағы әдіс тәсілдерін мектеп басшылары таратсын семинармен. Әдіс тәсілдері Республикаға тарап кетіп пайдаланылса оған лаборатория ашылсын. Сол лабораториясы жұмысын білім басқармалары әдіскерлері республикаға таратсын.

Лаборатория ашқан адам ғана әдіскер болуға құқылы себебі, ол әдіс тәсілдерді көрсете алады. Егер сол әдісті мұғалімдер пайдаланып кең таралса ғана Еңбек ері, қүрмет ордені берілсін. Ұлттық тест орталығы жабылсын.

Аттестация жойылып, мұғалімдер сабағына көбірек мән берсін

17 облыс пен 290 ауданның пән әдіскерлерінің есебін Алтынсарин академиясында бас әдіскерлер  тағайындалып, сараптап үздіктер нәтижесін жариялап отырсын сайтта.

Мен Астана қаласының Білім басқармасында әдіскер болып бір жыл қызмет еттім. Сын айттым ешкімді аямадым қатты ашулы болдым жүйенің былығына, өтірігіне, көзбояушы арамдығына.

Бір жылдан соң жағаға лақтырды жабылып. себебі, ақиқаттан қорықты. Әдіскер деген кім!? Ол қандай болуы керек!? Әдіскер өз авторлық әдіс тәсілдері бар шығармашылық адамы. Өз әдіс тәсілдері бар адам ғана өзгенікін бағалауға қабілетті болады.

Шығармашылықтан жұрдай адамдардың әдіскер болып дікілдеп жүргенін көріп шошыдым. Олардың бірінші жауы мен едім. Соңыма шырақ алып түсті.

Әр пәннің өз әдіскері болуы тиіс. Мен әдіскер болғанға дейін музыка пәнінен Астана қаласында тарих, музыка мектебі маманы, ағылшын пәні мұғалімдері әдіскер болған, бірде біреуінің музыка пәнінен ұстаздарға көрсететін өз әдіс тәсілдері жоқ!
Менімен тіл табыса алмауы заңдылық.

Ашық сабақ пен семинарды әркім өз авторлық әдіс тәсілімен  берсін!

Біреуден қарап алып, ютуб пен интернеттен қарап алып көшіріп алып берген әдіс тәсіл авторлық емес.

Семинар өткізгіштер назарына!: спикерлердің көрсететін әдіс тәсілі авторлығы алдын ала тексерілсін! Әйтпесе Астана қаласы музыка пәні әдіскері өткізген семинарда біреудің әдісін басқа біреу көрсетті. Олар республикалық семинар  деп өткізген. Авторы беймәлім әдістер.

Сапасыз семинар мен конференциялар өткізілмесін! Нақты сапалы, авторлық, қажеттілері ғана өткізілсін!»деп жазған Гүлшат Жолдыбайқызы осы мәселеге жауапты кісілерді парақшасында белгіледі.

https://democrat.kz/kz/article/dokeilermen-konildes-bolyp-qurmet-ordenin-algandadegen-pedagog-bilim-salasyndagy-sumdyqtardy-ashyq-aitty.html