Ұстаздық еткен мұғалім алаяқтық жасады деген күдікке ілінді. SMARTNEWS.KZ басылымының хабарлауынша, Павлодар облысының полициясы ҰБТ тапсыруға “көмектесемін” деп 1 миллион теңге алған әйелді ұстады. Бұл туралы облыстық ПД баспасөз қызметі жеткізді. Тергеу мәліметінше, Павлодар тұрғыны полицияға арыз түсірген. Ол бұрынғы мұғалімнің Ұлттық бірыңғай тестілеуден жоғары ұпай алуға көмектесемін деп уәде беріп, ақшасын иемденіп кеткенін айтқан. Қазір бұл дерек бойынша сотқа дейінгі тергеу басталды. Полиция күдіктінің осыған ұқсас басқа алаяқтық істерге қатысы бар-жоғын да тексеріп жатыр. Құқық қорғаушылар азаматтарды сақ болуға шақырып, осындай қылмыстардың құрбаны болған жағдайда бірден полицияға жүгінуді ескертті. Полицияның мәліметінше, жыл басынан бері Павлодар облысында 1800-ден астам киберқылмыс тіркелген. Олардың басым бөлігі — интернет-алаяқтық пен онлайн қызметтер арқылы жасалған қаржылық схемалар.
https://smartnews.kz/news/24012-pavlodarda-buryngy-mugalim-ubt-tapsyruga-komektesemin-dep-million-aksha-algan?fbclid=IwY2xjawNuvCZleHRuA2FlbQIxMQABHkR_DXBvdqKwB0bQAVZgMtbHxXRMu5kvOfw1FVX_cWDGowqs53C_s1u0jMuI_aem_11GBpyVT8MJZegWNop8tYQ
Azattyq Rýhy коллажы
