Ағымдағы жылдың 8 шілде күні Жастар ресурстық орталығы мен аудандық Төтенше жағдайлар бөлімі бірлесе отырып, жастардың бос уақытын тиімді ұйымдастыру және салауатты өмір салтын насихаттау мақсатында Жаңатас қаласындағы Орталық көлде жүзуден жарыс өткізді.
Іс-шараға 7 жас қатысып, еркін жүзу әдісі бойынша 50 метр қашықтықта өзара бақ сынасты. Жарыс барысында қатысушылар өздерінің жылдамдығы мен төзімділігін көрсетіп, жоғары деңгейде өнер көрсетті.
Жарыс қорытындысы бойынша:
І орын – Бекболат Әділхан;
ІІ орын – Жапар Ермахан;
ІІІ орын – Жанұзақ Арнұр.
Жеңімпаздар арнайы дипломдармен және бағалы сыйлықтармен марапатталды.Осындай спорттық іс-шаралар жастардың денсаулығын нығайтып, белсенді өмір салтын қалыптастыруға, сондай-ақ достық пен ауызбіршілікті арттыруға өз үлесін қосады.
