https://turkystan.kz/article/260354-almatyda-policeilerdi-balagattagan-azamat-ustaldy
Алматыда полицейлерді балағаттаған азамат ұсталды, деп хабарлады turkystan.kz Polisia.kz-ке сілтеме жасап.
Алматы қаласының Түрксіб ауданында орналасқан дәмханалардың бірінің маңында құқық бұзушылық тіркелді. «102» жедел басқару орталығына алкогольдік масаң күйдегі белгісіз азаматтың қоғамдық тәртіпті өрескел бұзып, айналасындағыларды қорқытып, агрессивті әрекеттер жасап жатқаны жөнінде хабарлама келіп түсті.
Оқиға орнына дереу патрульдік полиция жасағы жетіп, құқық бұзушыны сабырға шақыруға тырысқан.
Алайда ер адам тәртіп сақшыларының заңды талаптарына бағынбай, олардың ар-намысы мен абыройын көпшілік алдында қорлап, арандатушылық әрекеттерін жалғастырған. Нәтижесінде азамат ұсталып, аудандық полиция басқармасына жеткізілді. Ол қоғамдық орында мас күйінде болғаны және қоғамдық тәртіпті бұзғаны үшін әкімшілік жауапкершілікке тартылды.
«Заң мен тәртіп қағидатын қамтамасыз ету аясында мұндай әрекеттерге жол берілмейді», – деді Түрксіб аудандық полиция басқармасының бастығы Думан Аухадиев.
