Қазақстан Республикасы Мемлекеттік қызмет істері агенттігінің Жамбыл облысы бойынша департаменті қызметінің басым бағыттарының бірі – халыққа сапалы мемлекеттік қызмет көрсетуді қамтамасыз ету. Сонымен қатар, көрсетілетін қызметті алушылардың құқықтарын қорғауға және қалпына келтіруге ерекше назар аударылады.
Департаментпен жоспардан тыс тексеру жүргізіліп, оның нәтижесінде «Республикалық маңызы бар қала, астана, облыстық және аудандық маңызы бар қалалар шегінде жер учаскесіне құқықтар алу» мемлекеттік қызметін көрсетуден негізсіз бас тарту деректері анықталды.
Атап айтқанда, келісуші органдардың теріс қорытындысына және сұралып отырған жер учаскесінің орнында қоршаудың болуына байланысты жер учаскесін беру мүмкін еместігіне сілтеме жасалып, қызмет алушыға негізсіз екі рет бас тартылған.
Көрсетілетін қызметті алушының құқықтары мен заңды мүдделерін қорғау мақсатында Департамент оның бұзылған құқықтарын қалпына келтіруге бағытталған шараларды қабылдау туралы ұсыныс енгізді.
Департаменттің ден қоюынан кейін қызмет алушыға жер учаскесінің кесіндісі беріліп, оның құқықтары толық қалпына келтірілді.
Естеріңізге сала кетейік, мемлекеттік қызмет көрсетуден негізсіз бас тартылған және заңды құқықтарыңыз бұзылған жағдайда, Сіз ҚР Мемлекеттік қызмет істері агенттігінің Жамбыл облысы бойынша департаментіне Тараз қаласы, Рысбек батыр бұрылысы, 8А мекенжайына, 8 (7262) 43-88-08 телефоны арқылы, сондай-ақ «EgovKzBot» платформасы және «08.Onay.qyzmet» Telegram-арнасы арқылы хабарласа аласыз.
Өтінішті сондай-ақ азаматтардың барлық өтініштерін қабылдау мен өңдеудің бірыңғай платформасы – «E-otinish» арқылы да беруге болады.
Болат Копдикбаев
ҚР Мемлекеттік қызмет істері агенттігінің Жамбыл облысы бойынша департаментінің басшысы
