Жамбыл облысы әкімінің бірінші орынбасары Нұржан Календеров жұмыс сапарымен Т.Рысқұлов ауданында болып, әлеуметтік маңызы бар құрылыс және инфрақұрылымдық нысандардағы жұмыстардың орындалу барысымен танысты.
Жұмыс сапары аясында Малдыбай ауылында салынып жатқан 120 орындық мектептің, Қарақат ауылындағы №2 орта мектепке жапсарлас спорт залының құрылыс жұмыстарымен және Түрксіб теміржол вокзалын қайта жаңғырту жұмыстары зерделенді.
Нысандарды аралау барысында құрылыс жұмыстарының сапасына, бекітілген жұмыс кестесінің сақталуына, құрылыс-монтаж жұмыстарының қолданыстағы талаптарға сәйкестігіне және еңбек қауіпсіздігі талаптарының орындалуына ерекше назар аударылды.
Жауапты мердігер ұйымдар мен салалық басқармаларға құрылыс жұмыстарын бекітілген мерзімде сапалы аяқтау, анықталған кемшіліктерді жедел жою және нысандарды уақытылы пайдалануға беру жөнінде нақты тапсырмалар жүктелді.
Тұрар Рысқұлов Ауданының Әкімдігі
Тұрар Рысқұлов Ауданының Әкімдігі
