Қазақстанның жаңа Конституциясын ілгерілету және оның қоғамдағы маңызын кеңінен түсіндіру мақсатында аудан әкімі Е.Карентаев бұқаралық ақпарат құралдарының өкілдерімен кездесу өткізді. Кездесу барысында Конституцияның негізгі қағидаттары, елдегі жүргізіліп жатқан реформалар, мемлекеттік басқару жүйесіндегі өзгерістер және олардың халықтың әл-ауқатын арттырудағы рөлі туралы кеңінен айтылды.
Аудан әкімі өз сөзінде Конституция – елдің тұрақтылығы мен дамуының негізгі тірегі екенін атап өтіп, оның қоғамдағы әділдік, заң үстемдігі және азаматтардың құқықтарын қорғаудағы маңызына тоқталды. Сонымен қатар, ауданның әлеуметтік-экономикалық дамуы, алдағы жоспарлар мен жүзеге асырылып жатқан жобалар туралы ақпарат берді.
Кездесу барысында бұқаралық ақпарат құралдарының өкілдері өздерін толғандырған сұрақтарын қойып, өзара пікір алмасу жүргізілді. Іс-шара ашық форматта өтіп, қоғам үшін маңызды мәселелер талқыланды.
