Қазақ халқы қазыналы қарттарын сыйлап, үлкеннің алдын кеспеген. Бұл дәстүр күні бүгінге дейін ұрпақтар сабақтастығының көрінісін танытып келеді.
Қарттарға құрмет — ізгілік пен ілтипаттың белгісі. 1 қазан — Қарттар күнінде аудан әкімі Сәкен Мамытов Саудакент ауылының тұрғыны, Тыл ардагері Ермекбай Ақылбеков қарияның үйіне барып мерейлі мерекемен құттықтады.
Ауыл ақсақалын құттықтауға аудан әкімімен бірге аудандық ардагерлер кеңесінің төрағасы Серік Аппазов, аудандық қоғамдық кеңестің төрағасы Сахараб Қырғызбаев және аудандық билер кеңесінің төрағасы Қалмырза Жандарбек те бірге барды.Ақылбек қария аудан басшылығына ризашылығын білдіріп, елдің амандығын тіледі. Қарт кісімен тілдесіп, тұщымды әңгімелерін тыңдаған Сәкен Үмбетұлы арнайы сый-сияпат көрсетіп, ұзақ ғұмыр кешуіне тілектестігін білдірді.
*******
ҚАРТТАРҒА ҚҰРМЕТ — ПАРАСАТТЫЛЫҚТЫҢ БЕЛГІСІ
Қазақта, «Қарты бар үйдің қазынасы бар» деген даналық сөз бар. Шаңырақтың тірегі, ақылшысы болып жүрген қарттарымыз біздің алдыңғы буын шамшырағымыз. Салт — дәстүрлер сабақтастығын ұстанып, тәрбиелік мәні терең ойларды қозғайтын қариялардың қоғамдағы рөлдері ерекше.
1 қазан — Қарттар күніне орай, аудан әкімінің орынбасарлары, мекеме, бөлім басшылары, қала және ауылдық округ әкімдері аудандағы ардагерлерді мерекемен құттықтап, арнайы сый-сияпат жасады. Өз кезегінде еңбек ардагерлері мерекеде құттықтаған аудан басшылығына ризашылықтарын білдірді.