Шу ауданы Бірлікүстем ауылдық мәдениет үйінде жөндеу жұмыстары жүргізілді

Бірлікүстем ауылдық мәдениет үйінде ағымдағы жөндеу жұмыстары жүргізіліп, ғимараттың сыртқы және ішкі келбеті жаңартылды. Бұл жұмыстар мәдениет ошағының материалдық-техникалық базасын нығайтып, ауыл тұрғындарына қолайлы жағдай жасауға бағытталды.

Жөндеу барысында қабырғалар сырланып, едені жаңартылып, жарықтандыру жүйесі ретке келтірілді. Сондай-ақ, сахна мен көрермен залының ішкі көрінісі жаңаша сипатқа ие болды.

Аталған жұмыстардың нәтижесінде мәдениет үйі ауыл тұрғындарының шығармашылық және мәдени демалысына жаңа серпін бермек.