1 қазан – Халықаралық қарттар күніне орай Жамбыл облысы бойынша ҚАЖ департаментіне қарасты №67 мекемесінде аға буын өкілдеріне құрмет көрсетуге бағытталған кездесу өтті.
Мереке аясында мекеме бастығының тәрбие жұмысы жөніндегі орынбасары, әділет майоры Садуанов Еркебұлан Бақытжанұлы және жеке құраммен жұмыс жөніндегі тобының аға инспекторы, әділет аға лейтенанты Дүйсен Бекзат Серікұлы мекеме ардагері Молдабаев Асилхан Мусахановичті Қарттар күнімен құттықтап, зор денсаулық, ұзақ ғұмыр, отбасылық амандық пен бақ-береке тіледі.
Кездесу барысында ардагердің еңбек жолы мен мекеме қызметіне қосқан үлесі атап өтіліп, аға буын өкілдерінің мол тәжірибесі мен өмірлік тағылымының жас ұрпақ үшін маңызы ерекше екендігі айтылды.
Өз кезегінде Асилхан Мусаханович көрсетілген құрметке ризашылығын білдіріп, мекеме ұжымына алғысын жеткізді. Сонымен қатар қызметкерлерге жауапты қызметтерінде табыс, мықты денсаулық және отбасыларына амандық тіледі.
Қарттар күні – аға буынға құрмет көрсетіп, олардың еңбегін бағалайтын, ұрпақтар сабақтастығын дәріптейтін ерекше мереке. Осындай тағылымды кездесулер үлкенге құрмет, кішіге ізет қағидаттарын нығайтып, қызметкерлердің адамгершілік құндылықтарын қалыптастыруға ықпал етеді.
