Psychological Medicine журналында жарияланған зерттеу Флорида колледжінің студенттері арасында жүргізілді. Онда депрессияға шалдыққан адамдар тосын жақсы нәтижелерден, мысалы, жоғары баға алғаннан аз қуанатыны анықталды. Бірақ, олардың күткенінен төмен баға алғандағы жағымсыз эмоциялары күйзелісте жүрмеген студенттермен бірдей деңгейде болды.
Майами университетінде жалпы және органикалық химия курстарына қатысатын 724 бакалавриат студенті зерттеуге қатысты. Орташа жасы 19-дағы бұл студенттер, оқу мерзімінде бірнеше рет депрессия және мазасыздық симптомдарын бағалайтын сауалнамалар толтырды. Олар сондай-ақ әр екі күн сайын өздерінің эмоционалды жағдайын Positive and Negative Affect Schedule (PANAS) көмегімен бағалап отырды.
Студенттер емтихан нәтижелерін болжап, кейін нақты бағаларын көргеннен кейін 8 сағат бойы әр 45 минут сайын эмоцияларын бағалайтын сауалнамаларға жауап берді. Нәтижелер студенттердің күтілген және нақты бағаларының арасындағы айырмашылық негізінде талданды..
Зерттеудің авторлары Уильям Дж. Виллано мен Аарон С. Хеллер бұл құбылысты ангедония – қуаныш сезіну қабілетінің төмендеуімен байланыстырады. Олар депрессияға шалдыққан адамдар жағымды оқиғалардың маңыздылығын бағаламауға бейім деп есептейді.
Зерттеу белгілі бір топтың шеңберінде ғана жүргізілгендіктен, оның нәтижелері басқа әлеуметтік немесе мәдени жағдайларда әртүрлі болуы мүмкін. Сондықтан депрессияның әртүрлі жағдайларда эмоциялық реакцияларға қалай әсер ететінін анықтау үшін қосымша зерттеулер қажет.
Бұл зерттеу «Депрессияның сыйақы болжамындағы қателіктерге аффективті реакцияларды бәсеңдетумен байланысы» деп аталады.
turkystan.kz
