Президент Қасым-Жомарт Тоқаев 9 жастағы мектеп оқушысының әлеуметтік желі арқылы жолдаған видео эстафетасын қабыл алды. Эстафета Абай Құнанбайұлының 175 жылдығына орай ақын өлеңдерінен үзінді оқуға арналған болатын.
Мемлекет басшысы Абай есімі қазақ халқымен қатар аталатынын, биыл 30 мамырда келер жылы ақынның 175 жылдығын атап өту туралы Жарлыққа қол қойғанын айта келе, Ләйлім-Шырақ есімді 9 жастағы оқушының эстафетасын қабыл алғанын тілге тиек етті. Сонымен қатар Президент Абайды ұлықтау арқылы жас ұрпақтың бойына ұлттық рух дарытып, халқымызды әлемге паш ететінімізді атап өтті. Сөйтіп, Абайдың «Ғылым таппай мақтанба» атты өлеңінен үзінді оқып берді.
Қасым-Жомарт Кемелұлы Абай өлеңдерін оқу эстафетасын одан әрі Білім және ғылым министрі Асхат Аймағамбетовке, Мәдениет және спорт министрі Ақтоты Райымқұловаға және әлемге танымал әнші Димаш Құдайбергенге жолдады. Осы айтулы челленджден кейін еліміздің танымыл адамдары бір-біріне видео эстафета жариялап, ақынның өлеңдерін жатқа оқуды жалғастыруда.
Ш.АТЫХАНҰЛЫ
