Жаңа Жыл мерекесіне орай, бүгін Орталық алаңда бас шыршаның шамын жағу салтанатты түрде өтті. Мерекелік іс-шараға аудан әкімі Сәкен Мамытов қатысып, тұрғындарды Жаңа жыл мерекесімен құттықтады.
Шыршаны Абылайхан атындағы мектеп- лицейінің 10 сынып оқушысы, республикалық «Маралтай оқулары» байқауының жүлдегері, Аружан Амантайқызы, Арыстанды орта мектебінің түлектері, қол күресінің шеберлері Қарлығаш Елдосқызы, Гүлнәр Алиева және Ш.Уәлиханов атындағы мектеп- гимназиясының үздік оқушысы Ақмоншақ Төрехан жақты.
Кеш барысында аудан тұрғындары мен қонақтарына арналған концерттік бағдарлама ұйымдастырылып, өнерпаздар әсем ән мен әсерлі қойылымдар тарту етті. Мерекелік отшашу тұрғындарға ерекше көңіл күй сыйлап, кештің көркін аша түсті.
Аталған шара тұрғындарға шаттық сыйлап, бірлік пен мерекелік нығайта түсті.
Жанды жадыратқан Жаңа жыл мерекесі Саудакент ауылындағы Б.Қашқынбаев атындағы орта мектебінде жалғасты.
Аудан әкімінің Жаңа жылдық шыршасы түрлі қойылымдармен ашылып, театрландырылған көріністер балаларды ерекше әсерге бөледі. Ортаға Аяз ата, Ақшақар, Жылан, Жылқы кейіпкерлері шығып, жаңа жылда жаңа бастамалар күтетінін қойылыммен келтірді.
Іс шараға қатысқан аудан әкімі Сәкен Мамытов құттықтау сөз сөйлеп, балаларға оқуда озат, елдің үмітін ақтайтын үлгілі азамат болуына тілектестігін білдірді. Сонымен қатар, оқушыларға тәтті сыйлықтарды үлестіріп, балалардың қуанышына бөленді.
Думанды кеш ән және бимен жалғасып, өнерпаздар өнерлерін көрсетсе, балалар тақпақ айтып, Аяз атадан сыйлықтар алды.
