4 маусым – Қазақстан Республикасының Мемлекеттік рәміздер күніне орай Талас ауданының Шәкіров ауылында 50 жастан асқан ардагерлер арасында ұлттық спорт түрі – көкпардан тартысты жарыс өтті.
Іс-шараның басты мақсаты – ұлттық құндылықтарымызды дәріптеу, салт-дәстүрімізді насихаттау және салауатты өмір салтын қалыптастыру. Жарысқа қатысқан ардагерлер жоғары деңгейде өнер көрсетіп, көпшілікке көтеріңкі көңіл-күй сыйлады.
Аталған шараның өтуіне ауыл тұрғындары демеушілік жасап, ұлттық спортты дамытуға өз үлестерін қосты.
