istockphoto
4 шілдеде «Семей орманы» мемлекеттік орман табиғи резерватының аумағында төрт бірдей орман өрті тіркелді. Бұл туралы Экология және табиғи ресурстар министрлігі хабарлады.
Ведомствоның мәліметінше, өрт ошақтары анықталған бойда резерваттың мемлекеттік орман күзеті жедел әрекетке көшіп, тілсіз жауды қысқа мерзім ішінде толықтай ауыздықтаған.
Алдын ала деректерге сәйкес, өрттердің шығуына найзағайдың түсуі себеп болған. Осыған байланысты мамандар өңірде найзағайлы ауа райы сақталған кезеңде орман өртінің қаупі жоғары болатынын ескертті.
Министрлік тұрғындар мен табиғат аясында демалушыларды өрт қауіпсіздігі ережелерін қатаң сақтауға және қоршаған ортаға жауапкершілікпен қарауға шақырды.
Толық нұсқасына гиперсілтеме беруді ұмытпаңыз: https://turkystan.kz/article/284060-semei-ormany-rezervatynda-bir-kunde-tort-orman-orti-tirkeldi
