Қазақ халқы қашанда үлкенді сыйлап, қарияны құрмет тұтқан. «Қарты бар елдің – қазынасы бар» деген қанатты сөздің мәні де осында. Өмірдің талай белесін артқа тастап, кейінгі ұрпаққа өнегелі жол қалдырған аға буынның орны қашанда ерекше.
1 қазан – Халықаралық қарттар күніне орай Жамбыл облысы бойынша Қылмыстық-атқару жүйесі департаментіне қарасты №25 мекемесінің жеке құраммен жұмыс жөніндегі тобының аға инспекторы әділет капитаны Емісбеков Бекарыс Ғалымұлы Қылмыстық атқару жүйесі департаменті 25 мекемесінде 30 жыл еңбек еткен Касабеков Муратбек Асамбековичпен Касабекова Куляш Кабиевна ардагерлерінің шаңырағына арнайы барып, оларды мерекелерімен құттықтады. Қарияларға зор денсаулық, ұзақ ғұмыр, отбасылық амандық пен бақ-береке тіледі.
Құрметті ардагерлер мен қазыналы қариялар!
Сіздерді Халықаралық қарттар күнімен шын жүректен құттықтаймыз! Әрдайым дендеріңіз сау, көңілдеріңіз шат болсын. Ұрпақтарыңыздың қызығын көріп, шаңырақтарыңыздан береке мен бірлік арылмасын!
