Әуежайда ұшаққа отырып, бірақ ұша алмай қалған жүкті келіншекке қатысты мәселеге әуе компаниясының өкілдері жауап берді.
Компаниядағылар бұл жағдай қаңтардың 19-ы күні болғанын растады, деп хабарлайды Экспресс К.
«Эйр Астана» әуе компаниясының жауабына сүйенсек, сол күні Шымкент қаласынан Нұр-Сұлтанға КС342 рейсі ұшуы керек болған. Жолаушылардың бірі — аяғы ауыр келіншек. Бірақ әйелдің анықтама қағазы болмауына байланысты оны ұшуға жібермеген.
Келіншекте біріншіден денсаулығына байланысты анықтама қағазы болмады. Екіншіден ол өзінің қай мерзімде екенін нақты ашып айтпады. Әртүрлі мерзімді айтып, шатастырды. Әуе компаниясының қызметкерлері сол себепті жолаушыны жолынан қалдырып отыр,
Сонымен қатар компанияда жүктіліктің 22 аптасынан міндетті түрде кез-келген аяғы ауыр әйел анықтама қағазын алып жүруі керек деген ереже барын айтты.
Еске салайық, бұған дейін Шымкентте әуекомпания аяғы ауыр келіншекті ұшаққа отырған сәтінен алып қалып, әуреге салғанын жазған болатынбыз.
