Талас ауданы бойынша далалық өрттердің алдын-алу және жайылымдық, шабындық жерлерде өрт қауіпсіздігін насихаттау мақсатында аудан әкімінің орынбасары Медет Уристеновтың төрағалығымен және аудандық төтенше жағдай бөлімі қызметкерлерінің қатысуымен ауылдық округ аумақтарына зерделеу жұмыстары жүргізілді.
Аудандық төтенше жағдайлар бөлімінің қызметкерлері тарапынан шөп шабушы жеке қожалық иелері мен механизаторларға үгіт-насихат жұмыстары жүргізілуде.
Үгіт-насихат жұмыстары кезінде трактор жүргізушілері мен шөп шабушыларға шабындықтағы өрт қауіпсіздігі талаптары түсіндіріліп, жадынамалар таратылды.
Құрметті аудан тұрғындары!
Дала алқаптарында өрт фактілері орын алған жағдайда 101 немесе 112 телефон нөмірлеріне хабарласуларыңыз сұралады.
Талас ауданы әкімдігінің баспасөз қызметі