Азық-түлік пен тауар бағасына мониторинг жүргізу үшін «AMANAT» партиясы облыстық филиалы жанынан құрылған мониторинг және қоғамдық топтар қарқынды жұмыс жүргізуде. Мәселен, аталған топ Талас ауданына арнайы барып, ондағы «Фиркан» және «Корзинка» дүкендеріне зерделеу жұмыстарын жүргізді.
Топ мүшелері әлеуметтік азық-түлік түрлерінің бағаларын бақылап, дүкен әкімшілеріне тиісті ұсыныстар берді. Жалпы айтқанда, аталған дүкендерде баға өсімі байқалмады. Сондай-ақ азық-түлік қоры да жеткілікті. Өңірде партия жанынан құрылған мониторинг және қоғамдық топтар жұмысын жалғастыра беретін болады.
