«Заң керуені» акциясы аясында арнайы топ аудан активі және Қылышбай ауылының тұрғындарымен кездесу өткізді
Заң керуені» акциясы аясында Жамбыл облысы прокурорының аға көмекшісі Сержан Абдықұлов бастаған басқарма бастықтары мен прокуратурасы қызметкерлерінен құралған арнайы топ іс-сапармен ауданда болды.
Алдымен аудан әкімдігінің мәжіліс залында құқық қорғау органдары мен мекеме, бөлім басшылары, ауыл, ауылдық округ әкімдері, аудан ардагерлері және БАҚ өкілдерінің қатысуымен ведомствааралық мәжіліс өткізді.
Мәжілісті аудан әкімінің орынбасары Сәбит Төлегенов жүргізді. Жиын барысында Жамбыл облысы прокурорының аға көмекшісі Сержан Абдықұлов күн тәртібіндегі мәселе бойынша хабарлама жасады.
Мәжілісте күн тәртібіндегі мәселелер кеңінен талқыланып, алдағы атқарылар жұмыстар нақтыланды.
Сондай-ақ «Заң керуені» акциясы аясында Қылышбай ауылдық округтерінде халықпен кездесу және жеке қабылдау өткізіліп, елді мекеннің жалпы жағдайына зерделеу жұмыстары жүргізілді.
Арнайы топпен ауылдық округте қалыптасқан проблемалық мəселелердің тізімі жасақталып, тиісті жұмыстар жүргізу үшін бақылауға алынды.
