Жаңа жыл, ең алдымен, балалар мен бүлдіршіндерге қуаныш сыйлайтын мереке. Аудандағы барлық білім беру мекемелерінде оқушы балалар асыға күткен шырша тойы да басталды.
Бүгін аудан әкімі Марат Сұлтанғалиев Жаңатас қаласындағы Ш. Уәлиханов атындағы мектеп-гимазиясында, Абылайхан атындағы мектеп-лицейде және Д.А.Қонаев атындағы орта мектепте болып, жаңа жылдық мерекелік шараларға қатысты.
Балалар үшін үлкен қуанышқа айналған жаңа жылдық шарада аудан әкімі Марат Қырғызәліұлы балаларды келе жатқан Жаңа жыл мерекесімен құт¬тық-тап, оларға зор денсаулық, жаңа жетістіктер мен барлық армандарының орындалуын, барынша жақсы оқып, сапалы білім алып, мақсаттарына жете берулерін тіледі. Балаларға сыйлықтар тапсырды.
Балалар аудан әкімімен, Аяз ата, Ақша қар және ертегі кейіпкерлерімен суретке түсіп шаттанды. Жасыл шыршаны айнала ән айтып, би билеп, өз өнерлерін көрсетті.
Сарысу аудан әкімдігі баспасөз қызметі
